Nyuma yo kubishimira cyane abakunzi babo bayobewe ibibaye ubwo Nizzo yahanukaga ku rubyiniro.

Itsinda rya Urban Boys ryongeye gushimangira ko ari abahanzi bagikunzwe cyane n’abanyarwanda ndetse ko baramutse bongeye kwihuza bagakora bakomezanya igikundiro cyabo bahoranye.

Umuraperi Riderman nawe ni imwe mu bahanzi bahinduye isura y’Igitaramo nyuma yuko aririmbye indirimbo zitandukanye nka Horo, Nkwiye igihano, Umwana w’Umuhanda n’Izindi nyinshi, Kugeza Ubwo asanzwe ku rubyiniro na Urban Boys bakamufasha mu ndirimbo bakoranye zirimo indahiro, Till I die, ndetse na Ntakibazo.

Urban Boys nibo bahanzi berekanye itandukaniro mu gitaramo cyose ndetse bigaragara ko abanyarwanda bakibakunda ndetse bari babakumbuye cyane, Nizzo na Humble Jizzo bagize Urban Boys baririmbye indirimbo zabo zakunzwe cyane nka Bibaye, Take it Off, Mama, Umwanzuro Sipiriyani, Kigali Love, Kelele, Turn Up n’Izindi nyinshi.

Ubwo barimo baririmba, Nizzo Kaboss yaje guhura n’isanganya ahanuka ku rubyiniro, ibintu yagarutseho avuga ko byari byivanze, Mu kiganiro n’itangazamakuru cyo kuwa 29 Werurwe 2024, Urban Boys yatangaje ko nta gihindutse mu bihe bya vuba bazashyira hanze indirimbo bakoranye na Platini P.

Aba bagabo nubwo batakiri kumwe na Safi Madiba usigaye akora umuziki nk’umuhanzi ku giti cye, ariko barakomeje ndetse bavuga ko bafite ibikorwa byinshi bateguriye abakunzi babo, Ikindi bagaragaje ko bagifite ubumwe ndetse abanyarwanda nabo biteguye kubashyigikira mu gihe bakoze cyane.

Ni mu gihe kandi biteganijwe ko Nizzo Kaboss na Humble Jizzo mu bihe bya vuba bazahurira na Platini P mu ndirimbo nkuko babitangaje mu kiganiro n’abanyamakuru kuwa Gatanu tariki ya 29 Werurwe 2024.