Ku wa gatandatu, tariki ya 6 Mata, Minisitiri w’intebe wa Etiyopiya, Abiy Ahmed yageze i Kigali, mu rwego rwo kwibuka ku nshuro ya 30 Jenoside yakorewe Abatutsi mu 1994 mu Rwanda, Kwibuka biteganijwe kuba guhera Kucyumweru tariki ya 7 Mata.
Ahmed yageze ku kibuga cy’indege mpuzamahanga cya Kigali mu masaha ya mu gitondo yo ku wa gatandatu.
Biteganijwe ko azitabira umuhango wo kwibuka uzabera kuri BK Arena ku cyumweru, tariki ya 7 Mata.
Abanyacyubahiro benshi baturutse mu mahanga barimo Abakuru b’ibihugu, abaminisitiri n’abadipolomate bakomeje kugera mu gihugu mbere yo Kwibuka ku nshuro 30 bizatangira ku ya 7 Mata.
Kwibuka bizatangira ibikorwa byicyumweru cyose cyo kwibuka Jenoside yakorewe Abatutsi mu 1994 yahitanye ubuzima bw’abatutsi barenga miliyoni mu minsi 100.
