Ubuzima: Tandukana burundu n’indwara zo mu kanwa niz’amenyo zikomeje kuzahaza benshi.

Kwita ku ku isuku yo mu kanwa ndetse no gusuzumisha indwara z’amanyo ni inshingano ya buri wese Kandi zakabaye ingamba dufata dushyizem imbaraga kuko bishoboka Kandi zivurwa zigakira ariko kandi zikazahaza cyane abazirwaye.

Ku munsi mpuzamahanga wahariwe kwita ku isuku yo mukanwa uba tariki ya 20 Werurwe buri mwaka, Ikigo cy’Igihugu cyita ku Buzima (RBC), kiributsa buri wese kuzirikana isuku yo mu kanwa ndetse no kwivuza indwara z’amenyo hakiri kare.

Ubushakashatsi bwakozwe na RBC mu mwaka wa 2021 bwerekanye ko 92% by’Abanyarwanda bisuzumishije amenyo muri uwo mwaka babitewe n’uko bababaraga cyane, mu gihe abangana na 1% aribo bisuzumishije bagamije kureba uko bahagaze.

Dr. Muhigana Adelaide uhagarariye abaganga b’indwara zo mu kanwa, avuga ko kugira ngo umuntu yirinde uburwayi bw’amenyo ndetse n’indwara ziterwa no kugira isuku nke yo mu kanwa, buri muntu wese asabwa koza amenyo byibura inshuro 3 ku munsi.

Ati “Ni byizi kugira isuku yo mu kanwa, umuntu akoza amenyo buri gihe cyose amaze kurya, kandi akabikora inshuro 2 ku munsi hagati y’iminoa 5 n’icumi”  Minisitiri w’Ubuzima, Atangaza ko abarwayi bajya kwivuza ku bigo nderabuzima no ku bitaro by’uturere, abagera kuri 40% bivuza indwara ziterwa n’umwanda wo mu kanwa.

Ati “Abarwayi bagera kuri 85%, abagera kuri 40% muri bo bafite ikibazo cy’indwara zo mu kanwa (oral diseases)”. Minisitiri avuga ko kutoza amenyo bitera indwara nyinshi zirimo izo mu kanwa, ndetse no kurwara amenyo ubwayo.

Biroroshye cyane gutandukana burundu ndetse no kurwanya izi ndwara zo mu kanwa ndetse n’izamenyo kuko bidasaba ibya mirenge ahubwo bisaba kugira isuku yo mu kanwa ndetse no kuzirikana koza amenyo iteka n’iteka nyuma yo kurya Kandi akabikora nibura 2 ku munsi hagati y’iminota 5 na 10