2023 irarangiye kandi irangiranye na byinshi bitagezweho kuri benshi nkuko bisanzwe bibaho, 2024 iratangiye Abantu benshi batangiye gufata ibyemezo n’ingamba nshya, Ariko ibyo abantu batazi, ndese icyo benshi bananiwe kumva neza ni uko iyo myanzuro rimwe na rimwe idakora bitewe.
Ubushakashatsi bwerekanye ko hafi 80% y’iyi myanzuro abantu biha iyo umwaka utangiye ikunze gutangira kunanirana hagati muri Gashyantare. Ibi ngo bigaterwa nuko akenshi bikorwa vuba nta gahunda ihamye, Gusa kuvuga ko ushaka gukora ikintu udafite gahunda ihamye mu bisanzwe ntibikora.
Na none, impamvu itera gufata ibyemezo akenshi iba ishingiye ku gushaka guhinduka ibintu vuba kubera impamvu ziva mu bantu, Ibi biganisha ku masezerano atazasohozwa ndetse no guheza umwaka nta terambere rifatika ugezeho.
Muri iyi nkuru yacu twaguteguriye inama inama 5 zo kugufasha guhirwa no kugera ku ntego zawe muri 2024 :
1. Isobanurire neza intego ndetse n’imigambi wihaye :
Tekereza urimo utangira urugendo mu nzira udafite aho ugana, Intego zose zitanga icyerekezo cyivuye mu bikorwa byawe. Urugero, niba intego yawe ari ukuzamura umwuga wawe, inshingano zawe zizaba kubona akazi runaka cyangwa gushaka indi nkomoko y’amafaranga azagufasha kuzamura wa mwuga wawe.
2. Itoze Gukura Mu bitekerezo :
Tekereza kuri ibi, iyo uhuye n’ikibazo, bamwe babibona nka bariyeri, abandi bakabona ko ari amahirwe yo kwiga no gukura. Imitekerereze yo gukura isa no kwambara ibirahuri bigufasha kubona ibishoboka ndetse n’ibidashoboka mu bibazo. Fata urugero rwa Sara Blakely, washinze Spanx. Nubwo yahuye n’ibibazo byinshi, yakomeje kwizera igitekerezo n’icyerekezo cye kandi arakomeza, amaherezo ahindura inganda zikora imyenda maze aba umuherwe ukomeye ku Isi.
3. Kubaka umuyoboro ukomeye :
Tekereza ku ikipe ukunda muri Siporo. Ntabwo batwara shampiyona ari bonyine ahubwo baba bafite abatoza hamwe na sisitemu yo kubafasha inyuma y’ikibuga. Mu buryo nk’ubwo, gutsinda ntabwo ari urugendo rwo kwisukira utabiteguye ndetse uri wenyine, Ahubwo bisaba kubaka umuyoboro ukomeye wo kwifashisha mbese ikipe y’abajyanama, Kugira abantu muhuje ibitekerezo, no kungurana ibitekerezo ni kimwe mu bigize umusingi w’ubutsinzi.
4. Shyira imbere gucunga igihe cyawe ndetse no gutanga umusaruro :
Shushanya sisiteme ijyanye n’imikoreshereze y’igihe cyawe, Gucunga neza igihe bisa n’ubuhanga buhambaye. Ibi bizagufasha kugera kuri byinshi mu gihe gito. Tekereza ko tekinoroji yo guhagarika igihe itakunda, Ahubwo gukoresha neza igihe ubonye cyihariye ku bikorwa bitandukanye nibyo bizagufasha cyane. Gusa iyo wakoze cyane imirimo yawe y’ibanze ikurikirwa no kuruhuka akanya gato. Izi ngamba zifasha gukora neza no gutanga umusaruro ku ntego wihaye.
5. Hanga udushya mu bikorwa byawe bya buri munsi :
Tekereza kuri ibi, itara, amaterefone, cyangwa imodoka zikoresha amashanyarazi. Ibyo byose bishya byatangiye ari ibitekerezo birenze ibitekerezo bisanzwe, Cyane ko byakozwe n’abantu bameze nkawe. Guhanga udushya ntibigenewe abanyabwenge gusa, Ni imitekerereze irwanya amahame kandi igashaka ibisubizo bishya. Tangira utekereze cyane uko wahanga udushya mu kazi kawe ka buri munsi, nibura ugire ibyo wongeramo nibyo bizagufasha cyane muri uyu mwaka mushya wa 2024.
Ibi byose twagarutseho ni zimwe mu nama zikomeye zagufasha kugera ku ntego zawe wihaye mu ntangiriro z’uyu mwaka mushya dutangiye wa 2024 mu gihe cyose zubahirijwe neza.
