Mbere yuko amakipe akomeye muri Shmpiyona y’ u Rwanda Rayon Sports ndetse na APR Fc zicakirana kuri uyu wa 9 Werurwe 2024 ku munsi wa 24 wa Shampiyona y’icyiciro cya mbere mu Rwanda Umugaba Mukuru w’Ingabo z’u Rwanda, Gen Mubarakh Muganga, yasuye Ikipe ya APR FC.
Mubarakh yasuye iyi kipe mbere y’umukino maze agirana ibiganiro n’abakinnyi bose ndetse n’abagize Staff technique yayo abagenera ubutumwa bukomeye bwo kubategura mu mutwe kugirango baze kubasha kwitwara neza kuri uyu mukino uza kubera kuri Kigali Pele Studium.
APR FC igiye gukina na Rayon Sports imaze imikino irenga ine yose itabasha gutsinda, General Mubarakh yasuye APR FC ku mugoroba wo kuri uyu wa gatanu tariki ya 8 Werurwe 2024 aho ikipe ikambitse habura amasaha make kugirango itane mu mitwe na Mukeba wayo APR FC.
Ikipe y’Ingabo z’Igihugu yatangaje ko cyari igikorwa kigamije kureba uko ikipe yiteguye ndetse no kuyibwira ko ishyigikiwe mu buryo bwose mbere yo guhura na mukeba, Uyu muyobozi kandi yari yagaragaye no ku mukino w’ikirarane iyi kipe iheruka gutsindamo Etoile de l’Est igitego 1-0 tariki 5 Werurwe.
APR FC imaze iminsi ititwara neza imbere ya Rayon Sports kuko imaze imikino ine itayitsinda, aho yatsinzwe itatu ikanganya umwe ari na wo uheruka.
Kugeza ubu, Ikipe y’Ingabo itaratsindwa muri Shampiyona ikomeje kwicara ku mwanya wa mbere n’amaota 55, aho irusha Murera iyikurikiye amanota 10.
Muri rusange, kwinjira kuri uyu mukino wo ku wa Gatandatu ni 5000 Frw (7000 Frw ku munsi w’umukino), 7000 Frw (azaba ibihumbi 10 Frw nyuma), ibihumbi 20 Frw (azaba ibihumbi 30 Frw) n’ibihumbi 50 Frw.
