Wigeze wumva cyangwa utekereza ko injangwe y’umukara itera umwaku, cyane iyo uyibonye mu gitondo? Ndatekereza ko ibi atari ubwa mbere ubyumvise hari n’abantu benshi babyizeye gutyo kuburyo iyo ayibonye yumva ko nta mahirwe cyangwa amahoro araza kugira uwo munsi ndetse yagira n’ibyago kuri uwo munsi akumva ko byatewe nuko yabonye injangwe y’umukara.
Ubusanzwe abantu akenshi twizera ibintu bitewe nuko hari abandi babyizeye, Icyo gihe iyo umubare w’abantu benshi bizeye ikintu runaka rimwe na rimwe kidafatika ngo kibe ari igisuzumwa, abantu benshi bahita bizera ko icyo kintu aricyo bikaba akarusho rero iyo abo twita abahanga aribo babyizera cyangwa babitubwiye.
Hariho ubwoko bubiri bwabantu ku isi yose: Abantu bakunda injangwe n’abantu banga injangwe. Noneho abantu bamwe bagwa hagati, ariko ku bantu benshi, ni umwe cyangwa undi.
Abantu mu mateka bagiye babana n’inyamaswa zitandukanye ndetse banaba inshuti, ariko nano hari igihe abantu bakoze intambara kuri zimwe mu nyamaswa twakita ko zahoze ari inshuti zabo nto, ariko se ibi byazanywe n’abande? ko rimwe na rimwe usanga hari abantu byabase kugeza naniyi saha.
Ubundi hariho Papa Geregori wa IX yari umuyobozi wa Kiliziya Gatolika akaba n’umutegetsi w’ibihugu bya Papa (ni ukuvuga ni Vatikani y’iki gihe) kuva ku ya 19 Werurwe 1227 kugeza apfuye mu 1241.
Ubundi ushobora kwibaza uti: “kuki ku isi umuntu yatangiza intambara ku njangwe?” ibi bisa nkibitumvikana neza icyo umuntu yaba aziza injangwe kugira ngo umuntu w’umuyobozi ku isi ukomeye gutya ashobora kubwira abantu ko bakwiye gutangiza intambara yo kwica injangwe, ni mu gihe kandi abantu aribo bihitiyemo korora injangwe kandi bazikunze.
Ni ukuvuga ni nkuko iki gihe ushobora kumva umuntu ukomeye cyangwa igihugu runaka gitetse abantu gutangira kwica imbwa cyangwa nanone injangwe.
Conran von Marburg yari umupadiri w’Abagatolika bo mu Budage rwagati. mu gihe cya Papa Geregori wa IX, kandi yari afite imyizerere ikomeye ku njangwe kandi akoresha injangwe kugira ngo ashyigikire imyizerere ye ko izo njangwe ari Satani mu ikoti ry’ubwoya. Ibi bimenyetso byaje muburyo bwo kwatura.
Abantu baturiye Conran bavuze inkuru idasanzwe.
Kwatura bishobora kuba byagiye gutya: “Ku mugoroba w’ejo, nari mu nzira ntaha, naniwe nyuma y’umunsi wose, numva urusaku rwishi rw’igikeri kingana nk’imbwa, cyavugiraga nko muri metero icumi. cyaranyegereye cyane.”
“Komeza”, Conran byamushishikaje kumva.
“Ntibyari bisanzwe. Ntabwo nigeze mbona igikeri kinini nkuku. cyamaze kundeba, hahagaragara umugabo wijimye! Sinzi aho uwo mugabo yaturutse cyangwa uwo yari we. Yashakaga ko musoma. Yego, musome. Kuva uwo mwanya, nibagiwe byose ku Mana no ku Itorero. ”
Conran yarakomeje ati: “Byagenze bite nyuma yo guhura nuyu witwa umugabo”.
Ati: “Nibyo, twese twajya muri iyi misa y’Abirabura. Aho igishusho c’injangwe nini kizima, kizima nkawe cyangwa njye, twese twasomaga injangwe hanyuma, mu mwijima, twishimisha. Byose birangiye, hacanwa buji, haza umugabo. Umubiri we wo hejuru wahumye nk’izuba. Umucyo udasanzwe ubona. Umubiri we wo hasi wari wuzuyeho ubwoya bw’injangwe.…. ”
Ubu bwoko bwo kwatura, bwafashwe mu iyicarubozo, bwahawe Papa nk’ikimenyetso cyerekana ko injangwe zunze ubumwe na satani, bityo rero, zigomba guhanwa.
Ibyo byatumye Papa atangaza intambara ku njangwe z’i Burayi maze atangiz a umuco ukiriho kugeza na nubu.
Hagati ya 1227 na 1241, isi ya gatolika yayoborwaga na Papa Geregori wa IX mu kikinyejana cya 13, kandi abantu bari bafite imyizerere mike ku isi n’ibiyiriho bitewe nuko nta bumenyi bwinshi bwari bwakaza. Papa Geregori yizeraga ko injangwe zatwaye umwuka wa Satani hirya no hino, bityo, ntizigomba kugirirwa ikizere. Ibi byatumye habaho imiziririzo ivuga ko injangwe z’umukara zitera umwaku.
Mubyukuri, mu myaka ya 1233 – 1234, habayeho gutsemba injangwe bikorwa n’abayoboke ba Kiliziya na Papa. Bamwe mu bahanga mu by’amateka bemeza ko abantu bishe injangwe nyinshi. Noneho icyo gihe imbeba zateye imbere ziroroka zibateza ibyorezo byinshi byinshie abantu barenga miliyoni mu burayi, Ibi noneho byatumye bemera ko Satani yateje Icyorezo kubera umujinya mwinshi bitewe nuko injangwe nyinshi zishwe.
Dushubije amaso inyuma ku mateka, dushobora kumva ko imbeba zateye imbere kuko injangwe nyinshi zishwe. Ariko, ntibari babizi; icyo gihe.
Ariko Papa yari yatangiye ikintu cyatwaye igihe kinini cyo kuzica akazimaraho burundu. Intambara yarwanye n’injangwe yagize ingaruka zikomeye ku bantu ndetse n’injangwe.
Ingaruka z’Intambara
Intambara ya Papa ku njangwe ntabwo yagize ingaruka ku njangwe gusa. Byagize ingaruka zikomeye ku bantu. Intambara yahise ikomeza no ku barozi n’abantu bari batunze injangwe. Ibihumbi n’ibihumbi by’abantu, cyane cyane abagore, bashinjwaga kandi bagatotezwa n’abaturanyi n’inshuti.
Akazi gashya kari karafunguwe. Umuhigi. Abanyamadini bifuzaga kwerekana ko ari abayoboke ba Kiliziya bahigaga kandi bashinja abagore uburozi. Uku guhiga kwatumye abagore badahirwa bakorerwa iyicarubozo bakicwa.
Papa amaherezo yirukanye injangwe ni bwo ubwicanyi bwahagaze. Nubwo imiziririzo ikiriho muri iki gihe. Ibi bigenda byerekana ko ibitekerezo bimwe rwose bitajya bipfa.
Iki gitekerezo cy’injangwe kiracyakomeje muri Elizabethan mu Bwongereza, aho mu gihe cyo kwimika umwamikazi, hatwitswe igishusho cy’injangwe. Gusa nanone iki gishusho kiba kiri ku kintu kirimo injangwe aho bayitwikiramo nayo.
Noneho, ngaho ufite – ikintu giteye ubwoba kuba kuri ibyo biremwa byiza. Injangwe zacu z’amatungo zagize ibihe bitoroshye mugihe runaka cyamateka kubera kutumva uburyo indwara ikwirakwira hamwe n’imyemerere ikomeye y’idini.
Ibitekerezo nkibi rero byabayeho kenshi aho abantu kubera igihe cya kera hatariho ubumenyi, wasangaga umuntu ashobora kuzana imyumvire ye maze hakaba hakangirika byinshi, Rero turagusaba ko rimwe na rimwe wajya ushyira mu gaciro mbere yo guhita wizera ikintu ako kanya.
