Nyuma y’uko imikino yo kwishyura ya Shampiyona y’ikiciro cya mbere itangiye, ikipe ya Rayon Rports igatangira itsindwa na Gasogi United, Ku mikino wa mbere, abakinnyi bayo bakomeye itari ifite muri uyu mukino bagarutse.
Umukino wa Gasogi United na Rayon Sports, niwo mukino watangiye igice cya kabiri cya shampiyona cyo kwishyura. Uyu mukino warangiye Rayon Sports itsinzwe na Gasogi United ibitego 2-1.
Uku gutsindwa kwa Rayon Sports kwababaje abafana benshi b’iyi kipe, bamwe bananiwe no kwihangana bararira ubwo bari bari muri Sitade ikipe yabo imaze gutsindwa.
Kuri uyu mukino Rayon Sports, yakinnye idafite abakinnyi bayo bari mu bahatana aho rukomeye, barimo nka Joachiam Ojera, Tamaale na Charles Baale, kuko bose bari bataragaruka mu Rwanda nyuma yo kujya muri Uganda aho bakomoka mu biruhuko by’ iminsi mikuru.
Nubwo aba bakinnyi bari barengeje iminsi bahawe n’ubuyobozi bw’ikipe, ndetse bakaba bari baranze no kwitaba telfone zabo, amakuru ahari ubu aremeza ko bamaze kugaruka mu Rwanda gufasha ikipe yabo mu mikino yo kwishyura ya Shampiyona.
Aba bakinnyi bakaba bahuye n’ubuyobozi bwa Rayon Sports kuri uyu wa mbere tariki 15 Mutarama 2024, ndetse bikaba binavugwa ko iyi kipe igomba kubafatira ibihano, ariko bagakomeza kuyikinira.
Jean Fidele Uwayezu, Perezida wa Rayon Sports, yanatangaje ko vuba ikipe iraba yabonye umutoza mukuru. Ati “Iki cyumweru kirarangira Rayon Sports ifite Umutoza mukuru mushya, Mohamed Wade akomeze nk’umutoza wungirije.”
