Umukinnyi w’umupira w’amaguru Hertier Nzinga Luvumbu ukinira Rayon Sports, yatanze ubutumwa burimo gusaba Amahoro mu gihugu cye cya DR Congo.
Ejo hashize tariki 11 Gashyantare 2024, ni bwo ikipe ya Rayon Sports yatsinze Police FC ibitego 2-1 birimo icya Luvumbu na Rudasingwa Prince, mu gihe Police yatsindiwe na Kayitaba Jean Bosco.
Nziga Luvumbu, nyuma yo gutsinda igitego, yagiye ku rukuta rwe rwa Instagram atanga ubutumwa busaba Amahoro mu Bihugu bibiri atavuze mu mazina. Yagize ati “Mana, Turifuza Amahoro hagati y’Ibihugu bibiri.”
Ubu butumwa bw’uyu Munye-Congo, yabuherekesheje agatima n’ibiganza bimanitse bigaragaza ko yifuza Amahoro.
Bamwe mubabonye ubu butumwa baketse ko yashakaga kuvuga ku Gihugu cy’u Rwanda ndetse n’Igihugu cye cy’amavuko cya Congo.
