Ikipe y’igihugu y’umupira w’amaguru Amavubi, yatangiye Umwiherero yitegura imikino ibiri ya gicuti u Rwanda rufitanye na Madagascar ndetse na Botswana muri uku kwezi kwa Gatatu 2024.
Mu gitondo cyo kuri uyu wa Mbere tariki 11 Werurwe 2024, ni bwo abakinnyi b’Ikipe y’Igihugu Amavubi biganjemo abakina imbere mu gihugu batangiye Umwiherero bitegura iyo mikino ibiri ya gicuti.
Muri iyi mikino harimo uwo bazakina na Botswana tariki 22 Werurwe na Madagascar tariki 25 werurwe 2024.
Dore urutonde rw’abakinnyi bahamagawe mu ikipe y’Igihugu Amavubi yitegura Madagascar na Botswana:
Abanyezamu: Ntwari Fiacre, Hakizimana Adolphe, Muhawenayo Gad na Wenseeens Maxime.
Ba myugariro harimo: Omborenga Fitina, Akayezu Jean Bosco, Nsengiyumva Samuel, Bugingo Hakim, Niyomugabo Claude, Ishimwe Christian, Imanishimwe Emmanuel, Nsabimana Aimbale, Mutsinzi Ange, Manzi Thierry, Niyigena Clement, Mitima Isaac na Nshimiyimana Yunussu.
Hagati: Bizimana Djihad, Iradukunda Siméon, Mugisha Bonheur, Byiringiro Lague, Ruboneka Jean Bosco, Niyibizi Ramadhan, Niyonzima Olivier, Rubanguka Steve, Kanamugire Roger, Byiringiro Lague, Sibomana Patrick, Tuyisenge Arsene na Kwitonda Alain.
Ba rutahizamu harimo: Mugenzi Bienvenue, Mugisha Gilbert, Iraguha Hadji, Sahabo Hakim, Muhire Kevin, Hakizimana Muhadjiri, Nshuti Innocent, Gitego Arthur na Biramahire Abeddy.
Biteganyijwe ko Amavubi azahaguruka mu Rwanda tariki 18 Werurwe 2024, yerekeza i Antananarivo muri Madagascar gukina iyi mikino ya gicuti ku matariki FIFA igenera amakipe y’ibihugu.
Imikino yombi u Rwanda ruzakina, izarufasha kwitegura iy’Umunsi wa gatatu n’uwa kane yo gushaka itike y’Igikombe cy’Isi cya 2026, aho Amavubi azasura Benin na Lesotho muri Kamena 2024.
Nyuma y’imikino ibiri yakinwe mu Ugushyingo, u Rwanda ruyoboye Itsinda C n’amanota 4, Afurika y’Epfo ikurikiraho n’amanota atatu, Nigeria, Zimbabwe na Benin zifite amanota 2, naho Lesotho ikaza ku mwanya wa nyuma n’inota 1.
