Umuco umaze ibinyejana byinshi wo gupfukama usa nkutagikoreshwa. Abaharanira uburenganzira bw’umugore n’abakiri bato babaza akamaro kayo ko gupfukamira umugabo, gusa ibi byose byagiye biterwa ahanini nuko umuco wagiye uhinduka muri iki gihe turimo kuko hari na bamwe babifata nk’ihohoterwa ariko tutirengagije ko n’abagishyikiye umuco babibonamo nko guha icyubahiro umutware wawe cyangwa se nk’ikimenyetso cyo kubaha.
Gupfukama ntabwo byihariye muri Uganda. Kuko mu mico imwe nimwe ku isi gupfukama birasanzwe aho byifashisha mu myemerere ndetse n’imyitozo. Urugero, mu Buyapani, abantu bapfukama mu gihe cyo kurya cyangwa kunywa icyayi. Mu bihugu bimwe na bimwe bya kisilamu, abantu bapfukama iyo basengera mu musigiti cyangwa mu rugo. Muri Amerika, umuco wo “gufata ikivi” ufitanye isano n’uburyo bwo kwigaragambya bwo kurwanya ivanguramoko ryaturutse ku guhamagarira Martin Luther King Jr. guhamagarira “kwicara, gupfukama no kwinuba.” Bamwe mu byamamare nabyo icyo gihe byerekanye ibimenyetso nkibyo
Muri Uganda, gupfukama biba mu bundi buryo butandukanye nubwo twavuze haruguru. Ni imyitozo ahanini yubwoko bwa Baganda, ubwoko bunini mu gihugu. Umugore w’Umuganda (umugore wo mu bwoko bwa Baganda) agomba gupfukama iyo asuhuza n’igihe agaburira umugabo we ibiryo. Abagore nabo barapfukama basuhuza abandi bagabo n’abantu bakuru. Mubihe byinshi, ibi bibaho ahantu hose habaye guhura. Murugo, mu busitani, kumuhanda, muri banki – ahantu hose, igihe cyose.
Nalule wo muri ubu bwoko bwa Baganda. Amaze gukura ubu apfukamira buri wese umuruta, nkuko yigishijwe. Agira ati: “Ntibakwigisha impamvu ugomba kubikora, ariko uba ugomba kubikora.” Avuga ko abakobwa benshi badakunda gupfukama kuko bibangamira bitewe n’igihe kigezweho.
Mu kwezi kwa gatandatu gushize, Dr. Maggie Kigozi, uharanira uburenganzira bw’umugore akaba na chancellor muri kaminuza ya Nkumba i Entebbe, umujyi uri hagati ya Uganda, yasabye abakobwa kudapfukama imbere y’umuntu, cyane cyane abagabo.
Kigozi avuga ko abagabo bamwe bumvisha abakobwa n’abagore kubasuhuza ahantu hihishe, hanyuma bakabakoraho ibidakwiye.
Agira ati: “Umukobwa w’umukene ari ku mavi, kandi ntashobora kwiruka. Kigozi avuga ko gupfukama bishyira umukobwa cyangwa umugore mu bihe bidafite imbaraga kuko adashobora kuva ku mugabo wamuteye ubwoba ku ngufu.
Ibyabaye kuri Nalule byerekana impungenge za Kigozi. Nalule yize kuva akiri muto gupfukama kure yabantu. Agira ati: “Abantu bakwungukiramo niba batekereza ko wubaha kandi wicisha bugufi, ariko simbaha umwanya.”
Yavuze ko gupfukama ari “imyitozo yo kuganduka muri sosiyete.” Nkumwana, yari azi ko aramutse adapfukamye kubantu bamwe, bazumva ko atabasuzuguye. Avuga ati: “Rimwe na rimwe narapfukamaga, ariko imbere nari mpagaze.
Abantu benshi baharanira uburenganzira bw’umugore bakomeje kwamagana uyu muco, Gusa nka Uganda nk’igihigu kinini gifite ibice by’ibyaro byinshi kandi benshi bakaba bakigendera ku muco, biracyagoranye kumvisha abashyigikira umuco ibyo kurwanya iki gikorwa.
Nubwo hari abatabibona neza ariko hari nababibona nk’igikorwa cyo kubaha umugabo nk;umutware w’urugo, Ndimo ndategura iyi nkuru naganiriye n’umubyeyi umwe ukuze maze ambwira ko kera uyu muco wafashaga abagabo kubona ko bubashywe kandi byatumaga mu rugo umugabo ahorana icyubahiro.
Uyu muco nubwo abakiri bato bakomeje kugenda bawutera ishoti, ntibikuraho ko hamwe mu birori iki gikorwa gikorwa cyane cyane mu bukwe ndetse n’ibindi birori biba byateranyije imiryango.
