Mu gihe ikipe ya Rayon Sports benshi bakunze kwita “Murera” ikunzwe na kimwe cya kabiri cy’abanyarwanda ikomeje kwitwara neza neza, Ni nako ikomeje kwita ku bakunzi bayo mu buryo bwose bushoboka.
Iyi kipe yamuritse iduka rishya kuri uyu wa gatanu tariki ya 23 Gashyantare 2024, rigomba kujya rigurisha imyambaro y’iyi kipe yo mu bwoko bwose ndetse n’inkweto zidafunze zo {Slippers}. Iri duka rikaba riherereye mu Mujyi wa Kigali mu nyubako izwi nka CHIK ndetse abenshi bakaba batangiye kwigurirayo imyambaro yo gushyigikira iyi kipe.
Iri duka ryanatangiranye n’intsinzwi ya Rayon Sports itsindwa n’ikipe ya Musanze Fc ku mugoroba wo kuri uyu wa gatanu kuri Sitade ya KIGALI PELE Stadium i Nyamirambo igitego 1-0, Umukino warangiye rutahizamu wa Rayon Sports, Rudasingwa Prince ajyanywe kwa muganga atumva.
Ni wo wari umukino ufungura imikino y’umunsi wa 22 wa shampiyona y’icyiciro cya mbere mu Rwanda umwaka w’imikino 2023-24, aho Rayon Sports yari yawakiriye kuri Kigali Pelé Stadium saa 18h00’ ku itara.
Iri duka rya Rayon Sports ryiswe “GIKUNDIRO Shop” rikaba ririmo imyambaro inyuranye y’iyi kipe ikunzwe n’abanyarwanda benshi uko yaba ihagaze kose dore ko batajya bayitererana. Ni iduka ririmo imyambaro irimo Imipira y’imbeho, Amakote y’imbeho, Amashati, Imipira isanzwe yo kwambara mu bihe byose, Inkweto zidafunze, Amasaha ndetse n’ibindi byinshi biriho ibirango by’iyi kipe.
Ku bifuza guhahira muri iri duka barisanga muri CHIK igorofa rya mbere {Ground Floor} hafi ya Sosiyete ya MTN Rwanda cyangwa se bagahamagara kuri nimero ya Terefone igendanwa 0780897455, 0780597793.
