Amagaju FC, ni ikipe ikina mu kiciro cyambere muri Rwanda premier league, bivugwa ko ariyo kipe imaze igihe kinini mu Rwanda.
Iyi kipe ibarizwa mu Ntara yamajyepfo, mu karere ka Nyamagabe, ikaba ikipe yatangiranye imbaraga muri shampiona dore ko yigeze no gufata umwanya wambere nubwo bitayihiriye ngo ibashe kuwugumaho.
Ikipe y’Amagaju FC, igiye gutangira imikino yo kwishyura ishakisha icyatuma byibuze irangiza shampiona iri mu myanya 5 yambere.
Ku munsi wejo tariki 11 Mutarama 2024, nibwo yasinyishije umukinnyi witwa Irumva Justin, imukuye muri Marine FC, imuha amasezerano y’umwaka umwe.
Muri iki gihembwe cyo kugura no kugurisha abakinnyi, Amagaju FC isinyishije umukinnyi wa gatatu nyuma ya Loic Shaban Rashid wasinye imyaka 2, Abdel Matumona Wakanda nawe wasinye imyaka 2, byumvikane ko uyu witwa Irumva Justin abaye uwa gatatu.
Amakipe menshi yongeyemo imbaraga kugirango arebe ko yagarukana imbaraga zo guhangana muri iyi mikino yo kwishyura.
Abdel Matumona Wakanda, yasinye imyaka ibiri mw’ikipe y’Amagaju.
Irumva Justin azajya yambara numero 29 mu mugongo.
